|
PUT'URİ MELEZİ CORİ
Cori (Equus mulus), kimoli girini k’ala 3’una 3xenişi omzik’uşen yeçkindineri put’uri melezi ren. Corepe 3xenişen ç’it’a, girinişen didi iqvenan mara juri xoloşenti menceloni iqvenan. Corişi oxirxinu 3xeni do girinişen çkvaneri ren. Ginz’e quconi, didi dudoni, mç’ipe do ginz’e k’uçxoni ren. Mzgudaluri oç’k’omalepe ç’k’omupan do var inç’amurepan. 3xenişen umosi madobağe do menceloni ren. Oxorulot k’oçepe k’ala k’arta sotis skidunan. 40-45 3’ana k’onari skidala uğunan. Germaluri mintik’apes umçire patik’apeşen raxat’i eşvalenan. Mcveşorapes askerepeş k’elen oğmaleşi skidina yado ixmarinet’u.
Kimoli 3xeni k’ala 3’una girinik imzik’aşi bardo vana ester coxoni (Equus hunus), 3xenişa mengaperi mara girini steri mçxu art melezi yeçkindun. Bardo 3xenişen umosi coris nungaps mara girinişi k’arta k’usuri aqven. Bardo corişen unaxonde ren şeni dido var iskedinen. Eşo içkinen mara corepe ok’oxveri gzalepes girini k’onari var nirgenan. Corepe şeni nop’rani renan do magexede muşis noç’irapapan yado simadape mtini va ren. Corepek magexede mutepeşişi emniet’i şeni reflek’sepe ikipan. Omjore Amerik’aşi germaluri mintik’apes corepeşi ilxepeşi 3’oxle tecruboni do didi 3’aneri 3’una 3xeni iqven. Madrina coxoni 3’una 3xenişi qalis oran3’k’ironi gelubun. Corepek oran3’k’ironişi xonari şignapan do emniet’ite 3’una 3xenis naqonopan.
|
TÜRKÇE
