|
KEŞMİRİŞİ MESELE
Keşmiri, Hindistani, Pakistani do Çinişi onz’ğonepes germapuna art mintik’a ren. Germa Himalayapeşi geulva k’un3’ulişi omjore k’eleni ruba am coxote molişinen. Mintik’as omraleri kaşmiri coxoni k’umaşişi coxo akşen mulun. 1947-s Brit’aniaşen timoşletineroba muşi moguşi didote Muslimanepe dobargeri rt’u şeni Pakistanik, Keşmirişi Emirobaşi am dixape Brit’aniaşen ak’vandu. Mara Keşmirişi Emirobas Hindistanişa mek’iru unt’u şeni Hindistanikti mintik’aşi jin hak’i miğunya tku.
Srinagari do mintik’aşi omjore Hindistanişi Jammu do Kashmir eyalet’i iqu do mintik’aşi olande Pakistanişa k’ont’rolişa amaxtu. Pakistaniş k’elen k’ont’roleri mintik’aşa Oxoşkveri Keşmiri itkven. 1960-s yulva k’ele Aksai Çinişa, Çinişi Xalk’uri Cumxuriet’ik xegedvu do amdğasti ok’ont’rolaps. Oşke Asiaşi am meseloni mintik’a, Pakistani do Hindistanis var artenan do 1977-s Pakistanik askeruli gecginate mintik’a dixape muşişa unt’alu. Mara geulvaluri memleketepeşi dip’lomasi do p’rop’agandapete Pakistanişi am tarixuri dixape jur oxen3ale amdğasti var apayenan.
Keşmirişi mesele, 1948 3’anaşen doni Ok’oxtimeri Miletepeşi dğanames ren. Muslimani Keşmir xalk’is Hindistani k’ala ok’onç’u var unon şeni maarta 1947 do majura 1965-s Hindistani k’ala Pakistanik jur fara lima qves. Keşmirişi dixapeşi 2/3 Hindistanis, 1/3 Pakistanis uğun. Hindistanik, Keşmiri muşi let’apeşi uok’o3’k’e no3’ile şinups. Pakistanik, Keşmirişi moxtanora Ok’oxtimeri Miletepeşi Emniet’işi K’onseiş k’ararepete Keşmiruli xalk’iş k’elen xveneri referandumite itayinasya zop’ons. Hindistanik, Pakistaniş k’elen am mesele oirkianuri p’latformis oğarğalus nodgitun do Ok’oxtimeri Miletepeşi Umumi Sekret’erişi do Amerik’aşi Ok’oxtimeri Oxen3alepeşi maselaiet’eşi do çkva k’eleni iri k’ainoboni teşebusepe var ik’abulups.
|
TÜRKÇE
