|
BALK'ANİAS TURKULİ SVACOXOPEŞİ MDADE
Magoşogore-maç’are Mehmet Turker Acaroğluşk’elen nok’orobe “Balk’anias Turkuli Svacoxopeşi Mdade”, İQ K’ult’ura Xeşnoba Magamaçkvalobaşi goşogora-goşok’itxuşi seriaşen Mariaşina 2006 tarixis St’amp’olis gamiçkvinu. Mdadeşi edit’oroba Deniz Saracik qu. Mdades, Osmanalişi Balk’anuri dixapeşi 6.250 k’onari eyalet’i, vilayet’i, k’aza do beldepeşi coxope, amdğaneris mek’ireli şkaguri mutepeşi do ağani coxo mutepeşi k’ala iç’arinen.
Ketabişi k’ap’ulaşi k’ilifis antepe noç’ars: “Svacoxope, dobadonaşi tapuşi senedepe ren. Em dixas namu nenaşi cinci uğun na, em nenaşi mağarğale xalk’işi let’a işinen. Osmanalişi Turkepek, fethineri let’apeşi coxopes var elaçes, arxvala entepeşi otkvalu mutepeşi xirxint’işa moxva noktes. Ağani gedgineri dobargalepes, Anatoliaşen moxtimeri dixa varna aşiret’i mutepeşişi coxope geodves. Ginz’e oras noqoneri limapes çkvadoçkva sebebepete moçodineri edo xarabi do umanceli doskidineri dobargalepeşa aşiret’epe muşi dobargines. Aşote şeni do abadi noktineri dobarginu yeçkindu. Bilasa Balk’anias 500 3’aneri Osmanali-Turkepeşi xe3alaş oras am xali aşote naqonu.”
Numçinuşi nomera: 0212 519 56 83
|
TÜRKÇE
