|
LAZURİ METNEPE (İRİNE ASATİANİ)
İrine Asatianiş k’elen nok’orobe Lazuri Metnepe (Xopuri şive), 1974 3’anas Tbilisis gamiçkvinu. Am ketabi, Okortuleşi Sovieturi Sosialist’uri Cumxuriet’işi İlmepeşi Ak’ademişi, Nenaluri İlmepeşi Oçkinaleşi gamaçkva ren. Ketabişi redakt’oroba P’rof. Arnold Çikobavak, direkt’oroba G. Gogiavak, edit’oroba N. Okucavak, gen3’uranoba N. Şengeliak qu.
Ketabişi geç’k’alas; go3’otkvala, Lazuri nenaşi fonet’ik’uri sist’ema, masdarepeşi tasrifi, zit’apeşi xali, mtkumalepe şeni suretepe k’ala gamoxo3’onapupe gez’in. Ketabişi doloxe; Sarpişen nok’orobe 93 metini, Gonioşen nok’orobe 9 metini, Urexişen nok’orobe 4 metini, Batumişen nok’orobe 1 metini, Anark’iaşen nok’orobe 8 metini, Oçamçireşen nok’orobe 24 metini gez’in. Lazuri metnepeşi cumlepes nomerape uğun do artneri nomeroni Kortuli tercumepe noqups. P’aramiti, hekaye, ambari, tarixuri do etnografiuri çkinape, skidala do xandaşi oxo3’onapupe, oğarğaluşi metinepe steri Lazuri xalk’uri ç’aralobaşi misalepeşen 3’opxeri 139 metnis, 1946 ila 1968 3’anapeşi tarixi uğun.
Ketabişi metnepeşi namtinepe ren: Deli Memet’i do deli k’adi, Nuriyeşi hekaye, Termoni, Luqu, Xavla, Brinconi, Dorma, Bak’lava, Bureği, Markvali get’ağanu, Sum daşi hekaye, Fadimeşi hekaye, Aşi oxorca do Fadime xanumi, Sum cuma, Utole k’ulani.
|
TÜRKÇE
