|
"OK'İTXU ŞENİ SUPARA"
1937 3’anas İskenderi 3’itaşişi coxoten Lazuri oqopinot Soxumis na gamiçkvinu “Ok’itxu Şeni Supara”, geç’k’ap’uroni doguronepeşi majurani k’lasepe şeni ixaziru do ik’itxapu. Abxaziaşi Devletişi Gamamçkumalaşi gamaçkvala na ren am Lazuri svaraşi edit’ori Seidi Koseşi, redakt’ori Mamedi Vanlişi ren. Maartani Lazuri K’onferan3is na idek’lerinu, Latinuri boncapeten xveneri Lazuri alboniten ç’areli na ren am svaras otxoneçdoxut gverdi uğun.
Na içkinen steri, İskenderi 3’itaşi 1930-oni 3’anapeşi çodinaşakis Okorturaşi Soviet’uri So3ialist’uri Resp’ublik’as na igurinet’u Lazepeşi doguronepeşi direk’t’ori rt’u. Ç’it’a ar oraşk’ule Lazepe St’alinişi geçinaduten Sibiriaşa itxozinu. Aşoten k’ult’uruli moşletinoba p’at’işen koniçodu.
Svaraşi doloxe na ren namtini Lazuri t’ek’st’epe aşo ren:
. Parpalepe
. Çkimi dostepe
. Ucoxinu musafirepe
. Ç’it’a çilengeri
. Z’abuni fili
. Divi çxomi
. Elek’t’rik’işi monç’va
. Musaşi derdi
. Musafiri mjora
. Udulyeli
|
TÜRKÇE
