|
LAZURİ METNEPE (ARNOLD ÇİKOBAVA)
P’rof. Arnold Çikobavaş k’elen nok’orobe Lazuri Metnepe (Xopuri şive), 1929 3’anas Tbilisis gamiçkvinu. Tbilisişi Universit’eş gamaçkva yado gamaçkvineri ketabişi tudeni ibares; Maartani fila do Xopuri dialekt’i noç’ars. Ketabis, Lazepeşi xalk’uri ç’aralobaşi tarixis xveneri irişen gont’aleri nok’orobeşi xususoba uğun. Ketabi, Kortuli albonişa simet’riulot Latinuri albonişati goiktirinu do 2012 3’anaşi Mariaşinaş tutas St’amp’olisti gamiçkvinu.
Ketabis şkvit burme uğun do 1926-1927 3’anapeşi oşkes Okortuleşi oput’e Sarpişen nok’orobe 241 metni doloç’areli ren. Metnepe 3’oxle Axmet Tantuşi oqopinot, Ali Tantuşi, Osman Tantuşi, K’ak’ice Tantuşi, Fexri Tantuşi, Ali Abdulişi, Xuseyin Abdulişi, Ali Reis Numanişi, Mustafa Memişişi, Muhammed Vanilişi coxoni Sarpuli oput’arepeşen ok’oribineren. Metnepe; p’aramitepe, p’aşurape, fikrape do dğaluri oğarğalupeşen 3’opxun.
Ketabişi metnepeşi namtinepe ren: Xoca do Yahudi, P’at’i oxorca, Şeit’ani do Lazi, Mamudi mtuti do meli, X3aperi uşkiri, Sum manebre, Mgeri txa do 3xeni, Ç’it’a Xasani, Umiteli Abdula, Qurz’enişi o3’ilu, Sultan Selimişi rak’ani, Xopa, Noderi, Ç’anda, Oç’k’omalepeşi ç’eşidepe, Oxorişi ok’idu, Germak’oçi.
|
TÜRKÇE
