|
ÇKUNİ Ç'ARA ALBONİŞİ SUPARA
Çkuni Ç’ara Albonişi Supara, p’rigurapaşi maartani sinifişi mamgurepe şeni ixazirinu do Abxaziaşi Muxtari Cumxuriet’işi nananoğa Suxumis, gamaçkvale Abcumgamiş k’elen 1932 3’anas İskenderi 3’itaşi coxote gamiçkvinu. Ketabişi gamaçkvinuş izni eç’opinus do ora muşis gamaçkvinus K’asyuk’ovik, k’ai gurite do mteli menceli muşite umoşvacineri numxvacu. 1929 3’anas ge3’opxineri Latinuri bonconi Lazuri albonite ç’areli am ketabi “Maartani Lazuri supara” ren.
Suparaşi geç’k’alas, boncape misali zit’apete do ğareli resimepete mk’ulot igurinen. Suparaşi oşkes, Lazuri alboni, Arabuli ro3xinape do Romauri ro3xinape igurinen. Suparaşi çodinas, Lazuri-Turkuli-Rusuli mk’ule zit’apuna do isa-xilafepeşi list’e gez’in. Lazuri nenaşi ogurinus, am suparas tarixuri becitoba uğun edo am supara Lazi berepeşa ok’itxuşi oguruş do oç’aruşi oxo3’onapuş noğirate ixazirineren. Sovieturi Artobaşi p’rigurapaşi maartani sinifiş mufredatişa moxva am suparate berepeşa; metnepe, hekayepe, şiirepe, sloganepe do afişepe k’ala nananena mutepeşi igurinen.
Suparas 64 xasila uğun. Suparas tudeni namtini Lazuri ok’itxuşi metnepe gez’in: K’olekt’ivi, Fabrik’a, Leninişi beroba, Leninişi go3’oncğoneroba, Mcveşi skidala, Di3xironi mjaçxa, Bolşevik’epe, Mç’ita Lazistani, Mç’ita armia, 8 Mirk’ani, Mcveşi gurapa, Maartani Pukrik’a, Skidas Maartani Pukrik’a, Skidan Sovietepe!
|
TÜRKÇE
