|
ATİNAS ĞECİŞİ ŞKURNA
Atinaşa 3 km mendra na ren Cabati (Turkuli: Sulak) coxoni oput’es ar-jur dolonişen doni na iz’iren germaş ğecepe, qona do ont’ulepes dido p’at’işi zarari meçapan. Am oğodoba p’at’işi na a3’onu oput’eşi xalk’ik ktiraburot siftoli mutepete ğecepe çumernan.
Cabati coxoni oput’eşi maçumalepeşen ar terik, berepekti ok’vagesşi na aşkurinenan, ğecepe oqvilu şeni seri dğaleri udodginu mçumert tku do aşo noqonu, ‘‘Ç’umanişen serişakis germas na dgitun mt’k’uri ğecepe, seriş m3’k’upiş geç’k’alas korba mutepeşi oz’ğumu şeni ont’ule, qona varna çkva orgeri dixapeşa amaxtimu şeni oput’e çkinişakis gextes. Edo xolo, manz’ageri oput’epesti dido mt’k’uri ğeciş oqopinobas dido gemak’vires. Emuşeni, ğecepeş zararepeşen muşletinu şeni xe çkinişen mu na mulun oğodopape ağanaburot dop3’opxit. Oxori çkinişi 10 met’re xolosşakis na moxtu mt’k’uri otxo ğecişen ar teri dop’ili, eya oqviluşi vort’i, mecburi dopskideret’i.’’ ya tku.
Ğeciş p’op’ula3iaşi anormali monz’inoba sebebite, oput’eşi k’oçepek skindinaş zabunobape şeni şkurna z’dipan, ‘‘Ğecepe k’ala pucepe artneri qonapes na cupan şeni şapişi mik’robi pucepeşa dvak’limuş risk’i monz’inaps. Amuşeniti, m3ika maşkurinenan. Emuşeni, nat’uras, gomorgvas do xolo agrik’ult’ura şeni zarari na meçaps mt’uri ğecepe k’ala çodinaşakis obodus mevaqonatminonan, am dulyas mç’ipaşaşi dobdgiturt’’ ya tku.
|
TÜRKÇE
