|
KATİE MELUAŞİ REK'ORDİ
Çinoberi gemabire Katie Melua do muşi musik’uri k’erk’elik Oçildremzoğaşis p’et’roli na gorupan madulyepeşi guri oxvenu şeni, zoğaşi sumoşdosum met’ro tude, p’et’roliş p’lat’formişi jin k’on3ert’i meçu. Aşopetenti Ginesuri rek’ordepeşi svaras k’ai coxoten amaxtu. Muşi k’on3ert’işi morgvalis, Katie Meluaşi birabape na usiminu xalk’i xelak’aobaten ixelu do 3aşa extu. P’lat’formi muşis Katie Meluak k’on3ert’i na meçu k’amp’ania, Oçildremzoğaşis vit 3’anaşen doni p’et’roli gorups. K’on3ert’i Norvecuri t’elevizia NRK işk’elen gyoç’k’aşen çodinaşakis filmişa eşiğinu.
Andğaneri ndğas, irişen p’op’ulari do na iqoropinen ar gemabire ren Katie Melua Didi Brit’anetis. Margali na ren Katie Melua 1984 3’anas, Okorturaşi dudarinoğa Tbilisis dibadu. Tbilisi do Uçazoğaşi mskva noğapeşen ar teri na ren Batumis irdu Katie Melua. Meluaşi ocağik Okortura na naşkves do Belfast’işa na ides ndğalepes, ç’it’a Katie ovro 3’aneri rt’u. Beroba muşi, Okortura do Oçildre İrlandas na skidu Katie Meluak, ekonuri xalk’i şeni dido megabruli rt’u ya tkumers. St. Catherineşi geç’k’ap’uroni doguroni do Fortwiliamişi Dominicaniş K’olejis na ik’itxu Katie Meluak ekonaşis dido k’ap’et’i megabrepe maqvu ya zop’ons.
Ç’it’a Katies gemabire varna birapaşt’ekst’işi mç’arale oqopinu var unt’een. Vitosum 3’aneri Katies dido ambi3ia uğut’een mep’olit’ik’e varna meist’orie oqopinu şeni. Aşoten kianaşa Ğormotişi ndğalepe momağasunon yado icert’een. Ocağik xuti 3’anaşi morgvalis Belfast’is, ok’uleti Yulvari Londonis skidu. Ç’it’a Katie vitoxut 3’aneri iqvaşi, t’eleviziaşi dido çinoberi musabak’uri p’rogramapeşen ar teri na ren “Stars Up Their Nose”s ak’atu, Mariah Careyişi "Without You" coxoni birapa obiruten. Aşopeten musik’uri k’arieri muşi gyoçk’een. Seriuzuli musik’uri doguronepes na ik’itxeet’u Katie Melua, gemabiruli list’epeşi jilonde ren. K’adife tononi xonari do emo3ialuri t’ekst’epe na uğun gemabireşi k’aset’a do CDpe dido gamiçinen.
|
TÜRKÇE
