|
TUTA-MURU3Xİ ARTOBAŞİ SİMBOLİ REN
Bandara, ar tereşi na3ionaluri sinorepeşi do em sinorepeş doloxe na skidun k’oçepeş artobaşi simboli ren. Bandara xolo, na3iapeş renobaşi do timoşletinobaşi nişani ren. Peri do z’irapa muşi k’anoniten na i3’opxinen bandara, generalurot must’at’ili steri iqven do k’umaşişen ixvenen.
Tuta do muru3xi İslamiuri simbolepe ren mara Anatolias, İslamiuri orapeşen 3’oxleni ist’oriati uğun. Bandara 1793 3’anas Masumani Sult’an Selimişi p’eriodis andğaneri formepeşa mengapu. Xut ğociloni muru3xişi oxmarinu 1844 3’anaşakis nunç’işun. Osmanuri Devleti, Turketişi Resp’ublik’aşa guiktuşi dido trade3iape steri bandarati andğaneri ndğaşa komoxtu. 22.09.1983 tariği do 2893 nomeroni k’anonitenti bandaraşi z’irapa, oxvenu do oçvaluşi k’aidepe gamiçkvinu.
Andğaneri ndğas bandara muşis tuta-muru3xi na gez’in terepe antepe ren:
Azerbaycani
Algeria
Komori
Oçildre K’ibrisiş Turki Resp’ublik’a
Malezia
Morit’ania
Pakist’ani
Singapuri
Tunusi
Turketi
Turkmenistani
Uzbekistani
Golaxtimeri ndğalepes do andğaneri ndğas bandara muşis tuta-muru3xi na gez’in namtini xalk’epe antepe ren:
Omjoreyulva K’avk’asiaş Resp’ublik’a
K’araçaiş Resp’ublik’a
Oçildre K’avk’asiaş Emiroba
Xalk’i K’umuxi
Xalk’i Belarusiş Tatari
Xalk’i İdel-Urali
Xalk’i Adiğe
Xalk’i Başkurdi
Xalk’i Yulva Turkistani
|
TÜRKÇE
