MİSİONİ
     AMBAREPE
     GAZETAPE
     MAK'ALEPE
     OK'OTKVALAPE
     DİALOGEPE
     METNEPE
     P'ARAMİTEPE
     NOTKVAMEPE
     ŞİİREPE
     MUSİK'EPE
     K'LİBEPE
     OÇ'K'OMALEPE
     BİOGRAFEPE
     SURETEPE
     GAMAÇKVAPE
     LUGATEPE
     MARGALURİ
     OK'OAMBARU
     GOŞOGORU

      © 2006-2013 kolkhoba.org

   K'olxobaşi Misioni

Xelak'aoba Ğirsoni Mak'itxalepe!

Dido oraşen doni na izmonent’u do guri çkinişen na golulut’u ağani ar sait’i, nenape çkinişa mxuci meçamu şeni guin3’k’u.

Muşeni aşo ar sait’i gon3’k’u memaç’ires?
K’olxobaşi k’ult’ura do xususurotti nenapes, na ç’irs k’onari becitoba na meçaps ar
sait’i na var ren şeni.

Mu noğiraten aşo ar şaras gebdgidit?
K’olxobaşi mcveşi nenape k’aixeşa na var uçkinanpeşa oguruşa meşvelu şeni; mengaperi sait’epes nenauri xandape na var axvenanpeşa guri gedvapu şeni; çkva namtini nenapeten na oç’andinaps mara nena çkini na var z’irops TRT-şa, Lazuri nenaten oç’andinapa o3’iramu şeni.

Muç’oşi fentiten mat’erialepe bz’irit?
K’olxobaşi nç’araloba şeni ç’areli na ren iri mutxanepe, guri muşis nenapeşi ç’vini
na uğun mitxanepeşen bz’irit do tkvani şeni gebdgit.

Mundes gevoç’k’it do mundes içodasunon?
K’olxobaşi guri na dolomadves oras gevoç’k’it do K’olxoba var ğuraşakis var içodasunon.

So pskidut’it do a3’i so pskidut?
K’olxobaşi dixapes pskidut’it do K’olxoba na skidun k’arta svas pskidut.

Mi k’ala guri miğunan do mi k’ala dulya var miğunan?
K’olxobaşi nenapeşi narği na uğunanpe k’ala voret do K’olxobaşen çkar ambari na
var uğunanpe k’ala do am temaşi tucarepe k’ala gzamşinoba var miğunan.

www.kolkhoba.org